अनंत विचार न्यूज दिनांक 6/12/2023
मा.आ.प्रशांत परिचारक यांच्या मार्गदर्शनाखाली पंढरपूर नगरपरिषद प्रशासनाला निवदेन देण्यात आले.
पंढरपूर नगरपरिषदेची नगराध्यक्ष व नगरसेवक यांची मुदत संपलेली असून प्रशासनाने मनमानी कारभार चालवला आहे. पंढरपूर शहरातील विविध मालमत्ता धारकांना कर वाढीची नोटीस घरोघरी, दुकानामध्ये नगरपरिषद प्रशासनाने वाटप केलेली आहे. नगरपरिषदेकडून मालमत्ता धारकांकडून प्रत्येक वर्षी कर गोळा करते. परंतू सन 2023-24 करात वाढ झाल्याने नागरिकांना आर्थिक फटका बसला आहे. यामुळे नागरिकांतून तीव्र संताप व्यक्त होत आहे.
सदर वाढ करताना कोणालाही विश्वासात घेण्यात आलेले नाही. तसेच कर वाढ करताना याबाबत नगरपरिषद सभागृहात चर्चा होवून वाढ करण्यात येत होती मात्र सध्या नगराध्यक्ष व नगरसेवक नसल्याने प्रशासनाने मनमानी कारभार केला असल्याने परिचारक यांच्या नेतृत्वातील पंढरपूर मंगळवेढा विकास आघाडी व पांडुरंग परिवाराच्या वतीने मोर्चा काढून मा.मुख्याधिकारी यांना निवेदन देण्यात आले.
पंढरपूर नगरपरिषदेने सन 2023-24 ते 2027-28 या चार वर्षासाठी कर आकारणी केलली आहे. सदरची कर आकारणी करताना नागरिकांना विश्वासात न घेता करण्यात आलेली आहे. या कर आकारणीला आमचा विरोध असून कोणत्याही परिस्थीत नागरिकांवर लादलेला जादा कर आकारणी रद्द करावी.
कारण नगरपालिकेने सर्वे करताना अनेक मालमत्ताची प्रत्यक्ष पाहणी न करता कर आकारणी केलेली दिसून येते. तसेच अनेक मालमत्ता रहिवासी असताना त्यांना व्यवसायीक दराने कर आकारणी केलेली आहे. काही मालमत्ता या रहिवासी असताना त्यांना व्यवसायीक दराने पाणी पट्टी आकारली आहे. मालमत्ता धारक यांच्या मुळ नावामध्ये बदल झालेला दिसून येतो.
यावेळी युवा नेते प्रणव परिचारक यांनी माध्यमांशी बोलताना सातारा नगरपरिषदेने सदर कर आकारणी प्रकीयेस स्थगिती दिल्याबाबत तसेच हरकत अपिलावर सुनावणी घेणे कामी अपीलीय समितीतील सदस्याबाबत माहिती दिली. व लवकरात लवकर तोडगा काढून सर्वसामान्य जनतेला दिलासा द्यावा आणि जुलमी वाढीव कर रद्द करावा अशी मागणी केली अन्यथा मा.आ.प्रशांत परिचारक यांच्या नेतृत्वाखाली यापेक्षाही तीव्र स्वरूपात आंदोलन करण्यात येईल असल्याचे सांगितले.
यावेळी मा.नगराध्यक्ष लक्ष्मण शिरसट, नागेश भोसले,अर्बन बँकेचे चेअरमन सतिश मुळे,पांडुरंग घंटी, मा.पक्षनेते अनिल अभंगराव, गुरूदास अभ्यंकर, रा पा कटेकर मा.नगरसेवक सत्यविजय मोहोळकर, गणेश अधटराव, शहराध्यक्ष विक्रम शिरसट, सोमनाथ डोंबे, निलराज डोंबे, अमोल डोके, दत्तात्रय धोत्रे, सुजीतकुमार सर्वगोड, इब्राहिम बोहरी, मनोज सुरवसे, नवनाथ रानगट, नारायण शिंगण, धर्मराज घोडके, बसवेश्वर देवमारे, विवेक परदेशी, विजय वरपे, शिवाजी अलंकार, कृष्णा वाघमारे, ओंकार जोशी,राजु कौलवार, ऋषिकेश उत्पात, गणेश शिंगण, अनंत कटप, श्रीनीवास बोरगावकर, संजय जवंजाळ, सुभाष मस्के, लखन चौगुले, राहुल परचंडे, विनायक संगितराव, अक्षय वाडकर, सुरज राठी, शैलेश बडवे, अरूण मंजरतकर, बाळासाहेब कौलवार, अशोक डोळ, आण्णा ऐतवाडकर, दिपक येळे, मुन्नागीर गोसावी, सचिन कुलकर्णी, लाला पानकर, युवराज मुचलंबे, आबा झेंड, शरद माने, भाऊसाहेब शिंदेनाईक, विजय वाघ, सर्व आजी माजी नगरसेवक, नागरिक, पांडुरंग परिवारातील कार्यकर्त आदि मान्यवर कार्यकर्ते उपस्थित होते.
